Usa ka dolphin ang nakaplagan sa Bantayan Maritime Police Station (MPS) sa pakigtimbayayong sa Bantay Dagat, Municipal Disaster Disk Reduction Management Office, ug Municipal Agriculture Office didto sa Sitio Tabunok, Barangay Lipayran.
Ang na nakit-an nga Recovered Spinner Dolphin (Lumod), adunay kadak-on nga 25 inches round, 59 nga kitas-on ug gibana-banang napulo (10) ka kilo ang kabug-aton.
Dihang nakit-an kini, ang dolphin wala nay kinabuhi gumikan sa mga samad sa lawas niini. Ang dolphin anaa pa karon sa buhatan sa MAO Bantayan - Fishery Section ug ibalhin sa BFAR7 laboratory sa dakbayan sa Sugbo alang sa necropsy ug uban pang gikinahanglang scientific examination.
Ang natural resources kag ang katawhan amo gayud ang labing bililhon nga kabtangan sa Bantayan; busa gihangyo ni Mayor Arthur E. Despi nga musunod kita sa tanang regulasyon sa kadagatan.
“Ang aton direksyon sa paglambo sa ekonomiya knahanglang timbangon gayud sa pagpanalipod sa kahinguhaan,” sumala pa sa Mayor.
Source:
Municipality of Bantayan
https://www.facebook.com/BayanngBantayan