Usa ka Lakbay Aral (LGU Level) ang gipahigayon kagahapon sa lokal nga pangagamhanan ubos ni Mayor Arthur E. Despi pinaagi sa Bantayan Early Childhood Care Development (BECCD) ngadto sa mga naka Level 3 o Highly Satisfactory Rating nga Childhood Development Center (CDC) dinhi sa lungsod sa Bantayan.
Tumong sa maong kalihukan aron matabangan ang Childhood Development Workers (CDWs) nga mas epektibo sa serbisyo, mapausbaw ang pagdumala sa ilang tagsatagsa ka mga classroom, mapauswag ang kahanas sa pag-recycle sa educational display, ug saktong pag-file sa mga dokumento.
Gawas niini, aron usab makita ug masaksihan sa ubang CDW’s kung gi ano pagpalambo, pagpanindot ug paghan-ay sa sa mga CDC’s nga ilang gibisita.
“Dili basihan ang kagamay ug kalayo sa CDC aron makakab-ot sa Level 3 o Highly Satisfactory Rating sa mga centers kung may pagpaningkaot ug dedikasyon sa trabaho”.
Matud pa ni ECCD Program Director Juliemar Alolor.
Gitambongan ang maong kalihokan sa ECCD staff ug mga CDW sa 25 ka Barangay sa lungsod sa Bantayan.
(Municipality of Bantayan Facebook Page)