Pormal nga gi-proklamar sa Municipal Board of Canvassers alas dose sa udto karong adlawa, Martes, May 10, 2022 ang mga midaog sa Local Elections sa Bantayan. Nakakuha og bag-ong termino sila si Mayor Arthur E. Despi ug Vice Mayor Antonio Montemar uban nila ni Sangguniang Bayan Members Orlando Layese, Markham Mansueto, Jeffrey Barreto, Janet Hubahib ug Paul Umbao. Midaug usab sila si Edwin Deldig, Miko Pacheco ug Apollo Margarito Cesa.

Ang Municipal Board of Canvassers gilangkuban nila ni Comelec Officer Neriza Gigante isip Chairman, Municipal Treasurer Eugene Rebadomia isip Vice Chairman, ug District II School Supervisor Annabelle S. Alob, Secretary. “Ang akong damgo, nga ang tanang Bantayanon, magiyahan ang tagsa-tagsa nga pamilya. Akong gisaad sa tanan nga niboto nga ang grasya nga nadawat sa akong pamilya ug niabot diri kanako, mao sad ang akong himoon sa tibook Lungsod sa Bantayan,” matud pa ni Mayor Despi.

“This will be our restoration story, the new narrative – ang mas maayong kaugmaon,” dugang pa niya human sa iyang proklamasyon sa ikaduha niyang termino isip Mayor sa Lungsod sa Bantayan. Ang proklamasyon gihimo sulod sa Municipal Social Hall ug gitambongan sa mga pamilya ug mga supporters sa mga nakadaug nga mga opisyales.

Source:

Municipality of Bantayan

https://www.facebook.com/BayanngBantayan